مصر ( أرض الميعاد الجديد )…. بقلم / علا رمضان

علشان نعرف الحكاية لازم نقولها من البداية … في تاريخ امريكا اللى هو من حوالي ٥٠٠ سنة وبعد اكتشاف البحار الإيطالي (كريستوفر كولومبوس) لقارة امريكا وبعد نزوح الاوربيون لأرض امريكا طمعا في الاستيلاء على خيرات الأرض البكر والثروة والسيطرة وبعد حروب استعمارية ضدد أهلها الامريكان الأصليين اللى تم القضاء عليهم وطمث هويتهم وسلب أراضيهم… انقسمت امريكا لمنطقة شمالية وجنوبية …. كان الشمال يعتمدون على أنفسهم في الزراعة والبناء والعمل بالمصانع لعدم حاجتهم إلى عبيد للعمل في أراضيهم… اما الجنوب فكان معتمد بشكل كبير على العبودية اللى كانو طبعا بيتم استيرادها من أفريقيا من البلاد الفقيرة ليتم استعبادهم لدى الجنوبيين اللى كانو بيشغلوهم من غير اجر احيانا …  واحتدم الصراع بين الجنوب والشمال بين المؤيدين للعبودية وبين الرافضين لها … حتى سنه ١٨٦٠ وتحديدا بعد انتخاب اول رئيس للولايات المتحدة الأمريكية الرئيس ( إبراهام لينكولن) اللى كان رافض موضوع العبودية وبالفعل عمل قانون لالغائها ودا كان سبب لانفصال الولايات الجنوبية عن الولايات المتحدة الأمريكية…. واقامو ولايات (كونفدرالية) تحت رئاسة ( جيفرسون ديفيس) … وقامت حرب بين الشمال والجنوب  انتصرت فيها الولايات المتحدة الأمريكية في النهاية وتم اغتيال الرئيس( لينكولن ) طبعا بأيدي الجنوبين لرفضهم سياسته .. وقام الكونجرس الأمريكي بتعديل الدستور بأن كل من يعيش ويولد على أرض أمريكا هو امريكي الجنسية له حق فالحياة كمواطن له كافة الحقوق … ودا طبعا اللى رفضة الجنوبين  البيض ومررو قوانين اسمها قوانين (جيم كرو ) اللى نصت على عدم مساواة  الامريكان الأفارقة بالبيض الامريكان .
ومازال الصراع  بينهم  مستمر للان حتى وان كان صراع خفي …. ودى كانت بدايه فكرة المركزية الأفريقية او الافروسنتريك اللى بدأت في الظهور تحديدا في بداية العشرينات وطبعا كان مركزها الولايات المتحدة وأصحاب الفكرة كانو هم نفسهم الامريكان الأفارقة لشعورهم الدائم بعقدة الاضطهاد .

وتبدو الأفكار الخاصه بالمركزية الأفريقية للوهلة الأولى شيء مشروع وهو إثبات هويتهم وجذورهم الممتدة لبلاد القارة الأفريقية ولكن في حقيقة الأمر هى نسخة مكررة للصهيونية والمركزية الاوروبية … اللى كان كل همهم فرض سيطرة الغرب على بلاد الشرق وان الأفارقة السود هم صناع الحضارة  القديمة ..اى حضارة بقى ايوة هي طبعا ( الحضارة المصرية القديمة ) وبعد الغزو اليوناني والروماني والفارسي والاسلامي هرب الشعب المصري الأصلي إلى أفريقيا وبلاد العالم الغربي .
وان المصريين الحالين هم أبناء المستعمريين لمصر شوف ازاى!!؟؟ …. وكل دا علشان يثبتوا ان لهم هوية وحضارة عظيمة بيتفوقوا بيها على الغرب اللى استعبدهم وكل دا على حساب طمث حضارتنا وسرقتها وانتسابها لهم فمثلما فعلت أوروبا ونشرت فكرة ان اليهود المشتتين على أرضها لابد من عودتهم إلى أرض الميعاد فلسطين وان اليهود هم شعب فلسطين الأصليين وان اسمها الحقيقي إسرائيل… فأيضا امريكا تفعل نفس الشيء الآن  وتغذي فكرة ان الامريكان الأفارقة هم شعب مصر الأصليين والتى يطلقو عليها (كيميت) على اعتبار ان مصر أرض الميعاد الجديد للافارقة .

فهل تنجح امريكا كما نجحت أوروبا سؤال متروك للايام للإجابة عليه ولضمير كل إنسان مصري حقيقي يدافع عن تاريخ وحضارة بلده وتاريخ اجداده المصريين القدماء الذين لم يكونو في يوم من الايام زنوج … فلم ولن  نسمح بسرقة تاريخنا ومحو حضارتنا .

بقلم / علا رمضان