ياسمين عز عايزة ايه؟ بقلم نهال السنهوري

لا بجد أستاذة ياسمين مش قادرة طبعا أقول الإعلاميه يتقطع لساني لو قلتها…..لأن حضرتك لا تمتي للإعلام ولا الاعلاميين بصلة،عندك هدف الله أعلم بيه بس مستحيل يكون خير طبعا او شئ هادف لأنه عبارة عن هراء وهذي وكلام فارغ ما أنزل الله به من سلطان…شئ حقيقي مقذذ ومثير للغثيان والمقذذ أكتر تمسكك بالهري وتحدي عقول الناس للمحافظة علي التريند او لتحقيق الهدف الي إحنا مش عارفينه……إلي هو دعوة لسوق عكاظ أو دعوة للبله والعته مش عارفه أحدد لأنك حيرتيني لما بقيت أنا شخصيا نفسي أدخل دماغك واشوف حضرتك إزاي قادرة تقعدي وتستربعي ع الشاشة عشان تقولي الكلام الفاضي ده الي هو إن دل علي شئ فلا يدل غير علي الهيافه أو علي إن الراجل ده كائن أهطل أي حد بيضحك عليه وحياته عبارة عن صوت شتوي وصوت صيفي وبط بالبرتقال….إختذلتي الست فكائن معتوه طول الوقت بيمثل وحاصرة حياتها في إنها شبه الكنبة……لا ياستي لا يامدام زي مابتقولي دائما…..

الست ست والراجل راجل زي ماتعلمنا واتربينا….إن الراجل يتمني الست المطيعه وف نفس الوقت فاهمه مش معتوهه .

إن الراجل يحب الست القوية لكن في نفس الوقت ضعيفه بذكاء

إن الراجل يحب الست الذكية إلي تعرف تتكلم إمتي وتسكت إمتي ..الست الي تقدر وتقدر تعبه وشقاه عشانهم إلي تقدر حبه ليها وتقدر أهله عشانه وتشيله فوق دماغها بس بحب مش تمثيل .

والست تحب الراجل السند الي تستخبي م الدنيا فيه مهما كانت قوية تحب الراجل القوي الي يعتمد عليه

المحترم الي بيعاملها بأدب وإحترام وبيحترم الي منها عشانها .

الست تحب الراجل الي يهتم بيها ويقدرها ولو بكلمه .

حاجات كتيرررررررررررررر لو اتكلمت فيها مش هخلص بس عايزاكي تفتحي كتاب ربنا وتشوفي آياته الي إتكلم فيها عن الزواج وعن قوامة الرجل وعن المودة والرحمه والسكن ….

لكن ترنلها جرس كأنها كلبه أو تسقفلها كأنها فانوس رمضان تغنيلك او تكتم نفسها وهي جنبك وكل هذا الهراء كلام بعيد كل البعد عن كلام ربنا ومادام ماتعرفيش كلام ربنا يبقي ماتتكلميش في العلاقات وسيبوا الناس ف حالها فيها الي مكفيها مش ناقصاكم