طريقه عمل ماربل كيك

الجمعة, 12 فبراير 2021, 4:55 م

المقادير:

٢ كوب دقيق منخول
كوب الاربع حليب
كوب سكر
نصف كوب زبدة سايلة
٤ بيضات
٢ كيس فانيليا
معلقة صغيرة بيكنج بودر
معلقة صغيرة بيكنج صودا
رشة ملح
٣ معالق كبار كاكاو

طريقة التحضير
في الخلاط نضع البيض والسكر والفانيليا واللبن والزبدة ونضربهم لمدة دقيقتين وبعد كدة نضع الخليط علي الدقيق ولازم نكون قلبنا الدقيق مع البيكنج بودر والبيكنج صودا كويس ورشة الملح ونضع الخليط اللي ضربناه في الخلاط ونسيب جزء صغير منوا حوالي ربع كوب ونقلب كويس جدا لحد ما الدقيق يختلط كويس بالمكونات وناخد جزء من خليط الكيك نحط عليه ٣ معالق الكاكاو ونخلط كويس لو حسيتي انوا تقل اوي نضع عليه ربع كوب الخليط اللي سبناه في الخلاط ونجيب قالب الكيك ونكون دهنينوا كويس ونحط فيه جزء من خليط الفانيليا وعليه جزء من خليط الكاكاو وعليه جزء من خليط الفانليا ولازم يكون الخليط تقيل مش خفيف ونجيب سكينة ونعمل اي شكل عشوائي ندخل الخليطين في بعض وندخلها الفرن علي درجة حرارة ١٨٠ ونعمل الفرن من تحت بس لحد ما تستوي وبعد كدة نعمل الفرن فوق وتحت تحمر ونطلعها

بالف هنا وشفا استنونا مع وصفه جديده من وصفات الشارع نيوز

قد يعجبك ايضا
اترك رد

لن يتم نشر عنوان بريدك الإلكتروني.