طريقه عمل فطيرة الفراخ::

الخميس, 18 فبراير 2021, 6:24 ص

المقادير
2 كوب دقيق
2 معلقه كبيره زيت
معلقه كبيره خميره فوريه
معلقه كبيره سكر
بياض بيضه والصفار لدهان الوجه
رشة ملح
لبن دافي للعجن
الحشو
صدور فيليه متقطعه قطع صغيره
ملح وفلفل اسود وقرفه وحبهان بودر وبصل بودر وتوم بودر وبهارات فراخ
فلفل رومي مقطع صغير وزتون شرايح
العجينه
اختبرت الخميره دوبتها مع السكر في ربع كوبايه من اللبن الدافي وغطيتها وسيبتها تنشط
حطيت رشة الملح علي الدقيق والزيت وبياض البيضه والخميره وبعدين قلبتهم مع بعض وعجنت باللبن الدافي بالتدريج لحد لما العجينه لمت
عجنتها كويس لمدة عشر دقايق وغطيتها وسيبتها في مكان دافي تخمر
جهزت الحشوه سخنت زيت في طاسه وحطيت حبهان وورق لورا وفص مستكه وبعدين نزلت بالفراخ قلبتها لحد لما لونها اتغير نزلت بالتوابل كلها وقلبتها كويس وبعدين غطيتها وهديت النار وسيبتها تستوي
بعد السوا حطيت فلفل رومي مقطع صغير وزتون شرايح وقلبتهم مع بعض وكده الحشوه جهزت سيبتها تبرد خالص قبل محشي بيها
بعد مالعجينه خمرت قسمتها لجزئين قد بعض وفردت اول جزء وحطيته في صينيه مدهونه زيت وبعدين حطيت عليه الحشو وفردت الجزء التاني من العجينه وحطيته علي الحشوه وقفلته كويس من تحت وبعدين بغطا برطمان عملت دايره في النص وبصوابعي قسمت العجينه من حواليها كاني بقطع بيتزا ودهنتها بصفار البيضه وعليها معلقه كبيره لبن ونقطتين خل ورشيت عليها حبة البركه ودخلتها فرن سخن علي درجه حرارة ٢٠٠ علي الرف اللي تحت ولما اخدت لون من تحت قفلت الفرن وشغلت الشوايه عشان تحمر الوش
واول لما خرجتها رشيتها ببخاخ المياه وغطيتها بفويل عشان تبقي طريه

بالف هنا استنونا مع وصفه جديده من وصفات الشارع نيوز

 

قد يعجبك ايضا
اترك رد

لن يتم نشر عنوان بريدك الإلكتروني.