طريقه عمل المرشميلو::

الإثنين, 22 فبراير 2021, 12:06 م

المقادير
2 كوب سكر
3 م ك چيلاتين بودر
3 م ك عسل ابيض او عسل جلوكوز
طريقه التحضير

نضيف في بوله 3/4 كوب ماء نضيف عليهم الچيلاتين البودر ونقلبهم ونتركهم
نضع حله على النار عليهم 3/4 كوب ماء ونضيف عليهم السكر وعسل النحل او جلوكوز ونسيبهم يغلو شويه ونختبرهم نطفي عليهم نجيب بوله فيها ميه ونضع فيها نقطه من السيرب  لو دابت يبقي لسه شويه لو اتحولت لكرستاله تتشكل كده مش ناشفه يبقي كده تمام
نيجى للچيلاتين اللى داب في الميه نضرب ونضيف عليهم السيرب واحده واحده ونضيف الفانيليا السايله او اى ناكهه ونضرب لحد ما لونه يفتح ويبقي كريمى
تقريبا نضرب لمده 10 دقايق
ونجيب قالب مقاس 20 في 20 ونفرد فيه ورق زبده ندهنها زيت كويس جدا وننزل بنص الخليط ونفرده كويس وندهن اى حاجه بنستخدمها زيت لانه بيلزق جدا ونضيف على النص التانى لون طعام احمر عايزين يبقي لونه بينك ونضربه تانى بالمضرب وننزل في القالب على باقي الكميه ونفردو ويوضع في التلاجه لمده ساعتين او لتانى يوم افضل ولما يطلع من التلاجه على الرخامه هنفرشها بالنشا مع السكر البودر ونحط عليهم القالب ونقطعه بالشكل اللى انتى عايزاه ونحط عليهم من فوق من خليط النشا مع السكر وتقدم

بالف هنا وشفاء استنونا مع وصفه جديده من وصفات الشارع نيوز

قد يعجبك ايضا
اترك رد

لن يتم نشر عنوان بريدك الإلكتروني.