طرية عمل المكرونه البشاميل الكريمي

 

المقادير:
750جرام مكرونه قلم
نص كيلو لحم معصج
صوص بشاميل
مكرونه مسلوقه

اللحم المعصج:
هنجيب بصله كبيره ونفرمها ونشوحها فزيت أو سمنه لحد ملونها يصفر وننزل عليها بنص قرن شطه متخافوش مش هيشطشطها هيديها طعم كده بس ونقلب كويس وننزل باللحم المفروم ونقلب وننزل عليهم بملح وفلفل اسود ونص معلقه صفيره قرفه ودي مهمه جدااااا فتعصيج اللحم المفروم وبيشيل ريحه الزفاره ونقلب كويس ولما اللحمه تتعصج نبشر عليها حبتين طماطم ونص معلقه كبيره صلصة ونقلب الطماطم والصلصه يبدو لون كده فصينيه المكرونه فالطبقات وبتدي طعم وكمان الميه بتاعتهم بتزودلك كميه اللحم المعصج

صوص البشاميل:
الصوص ده بجد اظبط صوص لكل الناس اللي مش بيظبط معاها البشاميل
لكل معلقه سمنه معلقه دقيق وكوب لبن يعني 1:1:1
4معالق كبار سمنه
4معالق كبار دقيق
4كوب لبن
كبشتين شوربه أو كبشتين ميه ومكعب مرقه مفروم

(اهم تكه بقى اللي هتقلب الطعم )
3باكو مايونيز
3قطع جبن مثلثات

نحط السمنه عالنار واول متبدا تسخن ننزل عليها بالدقيق ونقلب كويس لحد ميكون لونهم بيج فاتح بس اوعي لونه يغمق منك وبعد ميبقى لونهم بيج فاتح ونبعد الحله عن النار وننزل عليهم باللبن عالبارد ونقلب بسرعه لحد ميكونش في كلاكيع ونحط الملح ورشه فلفل اسود وكبشتين الشوربة ونقلب ونطفي وبعدين نيجي للتكه المهمه المايونيز والجبن المثلثات وده اللي هيخليها كريمي ونقلبهم كويس وناخد جزء من صوص البشاميل ونصبه عالمكرونه ونقلبها وده هيخلي المكرونه جوسي نجهز بقى الصينيه اللي هنعمل فيها البشاميل
ندهن الصينيه سمنه أو زيت ونصب مسحه بشاميل وعليها نص كميه المكرونه المسلوقة المخلوطه بالبشاميل ونفرد عليه العصاج وعليه باقي كميه المكرونة ونصب نص كميه البشاميل الموجوده عالوش والنص التاني نضرب فيه بيضه بالشوكه ونصبه عالمكرونه وممكن نرش جبن زي متحبي وندخلها الفرن تاخد لون وألف هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *