زعلانين… بشرف ( ومباراة أخرى على الفيس بوك) تحليلى

الإثنين, 8 فبراير 2021, 10:20 م

كتب:ايمن خليفه

بعيد عن العاطفه الاهلاويه متعودين على الفوز في أي بطولة بيدخلها النادى الاهلى عشان كدا الجماهير بتبقا الهزيمة صعبة بالنسبالها حتى لو كان المنافس أفضل فريق في العالم .

موسيماني شاف المباره بطريقه وناس متفقه معاه وناس ضده وناس شايفه ان الدنيا كانت ممكن تبقى افضل من كدا نسبيا

اللعب بنفس طريقة وتشكيل مباراة الدحيل ماعدا كهربا مكان بواليا
اعتقدت انه هيبتدي بديانج بجوار حمدي والسولية علشان يقفل تماماً عمق هجمات البايرن حمدي فتحى والسولية غير كافيين لقدرات الوسط البفارى

بعد هدف البايرن الأول واندفاعه للهجوم وتمسك الاهلى بطريقه اللعب الدفاعي زون دفنس خلت فريق البايرن معتقد انه هيجيب التاني والتالت وينهى المبارة من الشوط الاول رغم ان وسط البايرن انكشف ورا تماماً وبقت في ثغرة واضحة بين كيميتش وبين بواتينج
كنا محتاجين كرات طوليه فى العمق ده وأعتقد انها اتعملت مره وحده مع كهرباء واستلمها غلط كان طبيعي في الحالة دي ان اشتغل على الكوره دى باستمرار وابعد عن الكورة العرضيه والالتحامات لانه كان معروف مسبقا انها مش بتاعتى ديانج كان لازم ينزل قبل الشوط التاني قوه بدنيه يخلى قفشة وكهربا وطاهر افضل هجوميا لأنهم لسه موقعوش بدنياً وهيرفع عنهم الشق الدفاعى شويه .

دفاع الأهلي ف بصراحة عمل ماتش عمره رغم الهدفين اللي حصلوا في لحظة ارتباك متوقعة من ناس بتقابل البايرن وشوفنا السيتى أمام ليفربول لكن الخطأ والارتباك بيحصل مع كل فرق العالم الشناوي وهاني نجوم المبارة

.القادم مواصلة الاستعداد بكل جدية لبالميراس لتكرار انجاز 2006 والعودة لمصر بالميدالية البرونزية يوم الخميس القادم

وتستمر كره القدم لمتعه الجماهير وتابعو الفيس بوك هتلاقو مباره تانيه لسه مانتهتش

قد يعجبك ايضا
اترك رد

لن يتم نشر عنوان بريدك الإلكتروني.